Hyppää sisältöön
Valtioneuvosto ja ministeriöt
Media
Valikko

Ráđđehus mearridii Uusimaa lihkadanráddjehusa gomiheamis

Stáhtaráđi kansliija 15.4.2020 18.00

Ráđđehus linnjii ráđđádallamisttis ikte maŋŋebárgga 14. cuoŋománu Uusimaa lihkadanráddjehusa gomiheamis dakkaviđe. Ráđđehus addá ásahusa lihkadanráddjehusa gomiheamis odne 15. cuoŋománu dmu 13 álgán stáhtaráđi ollesčoahkkimis, ja gomiheapmi boahtá fápmui dakkaviđe čoahkkima maŋŋá.

Gaskaboddasaš lihkadanráddjema joatkimii eai šat oainne leat ákkaid. Válmmašvuođalága 118 paragráfa fápmudusaid sáhttá geavahit dušše, jus dat lea vealtameahttun.
Ráđđehus mieigá gomihanmearrádusastis sosiála- ja dearvvašvuođaministeriija ja Dearvvašvuođa ja buresbirgejumi lágádusa árvvoštallamiidda epidemiijadilis.

Go lihkadanráddjehusat bohte fápmui 28. njukčamánu, koronavirusnjoammumat lassánedje Uusimaas čielgasit eará riikka johtileappot. Dál Uusimaas leat čielgasit eanemus dávdadáhpáhusat, muhto erohus eará riikii lea jo gáržon.

Dávdadáhpáhusaid earut gielddaid guovdu leat oalle stuorrát, eaige dat dávis eanagottiid rájáid. Maŋimuš vahku áigge dávdadáhpáhusaid mearri lea muhtun buohccedikšunbiriin leamašan gorálaččat seammá stuoris dahje stuorát go Helssega ja Uusimaa buohccedikšunbires.


Ráđđehus goittotge ávžžuha garvit buot dárbbašmeahttun mátkkošteami, dego lustaáigge mátkkošteami, maiddái ruovtturiikkas. Maiddái eará doaibmabijuid ja ráddjehusaid epidemiija ráddjemin ja álbmoga suodjaleapmin galgá joatkit ja čuovvut.

Lassidieđut: vuollestáhtačálli Timo Lankinen, t. 0295 160 300, stáhtaráđi kansliija ja allahoavda Tero Kurenmaa, t. 0295 488 340, sisáššiidministeriija

Palaa sivun alkuun