Hyppää sisältöön
Valtioneuvosto ja ministeriöt
Media
Valikko

Uáiviminister Marin: Iššeedmáin já tuárjumáin kyeimi kuoimijdân mij vaijeep vädis aaigij čoođâ

Statârääđi kanslia 17.4.2020 17.00

Spiekâstâhtile vaaigut mijjân puohháid. Mij lep karttâm raijiđ tâi luoppâđ maaŋgâ mijjân tergâdis ääšist. Huolâ jieijâs já aldemui tiervâsvuođâst já vajemist, áigápuáđust já piergiimist lii mield maaŋgâs mii aargâst. Kaskoo kriisâ lii pyeri orostiđ smiettâđ, maht mij vaijeep já maht tuárjup kyeimi kuoimijdân vädis aaigij paijeel. 

- Mij puohah teivâp argâstân spiekâstâhlii ääigi já tile, mutâ juáháš jieččân náálá. Veikâ kriisâ lii ohtâsâš, tot kuoskât ulmuid sierâlágán vuovijguin, uáiviminister Sanna Marin lohá.

Suomâ tuáimá -viestâdemhaahâ álgá

Statârääđi haalijd jieijâs peeleest tuárjuđ taan aargâst tábáhtuvvee pargo. Tääl älgee Suomâ tuáimá–viestâdemhaavâ ulmen lii toohâđ uásálâžžân já väldiđ puohâid mield, pyehtiđ uáinusân aargâst tábáhtuvvee pyere pargo, maid jieškote-uv tuáimeeh siärváduvâst pargeh. Haahâ fáálá lovduu, mon vyelni puáhtá ovdâmerkkân läjidiđ jieškote-uvlágán tábáhtusâid: tääl virtuaallijd já spiekâstâhtile maŋa tuotâmaailmist-uv. Haahâ juátkoo uđđâivemáánu 2021 räi, mutâ tuoivâ lii, ete tast šadda miinii pisovuboid. Miinii, mii kuáddá kuhás puátteevuotân.

- Mij tuođâštep kijttevâžžân, maht nuuvt maaŋgâ ulmuu, ornijdume já seervi láá halijdâm išediđ já tuárjuđ nuubijd. Ohtâ iälá käävpist puárrás peeleest, nubbe tuárju káidusškovlâlii liävsuiguin, kuálmád parga argâstis nuubij tiervâsvuođâ já pyereestvaijeem turvim tiet. Smavvâ já stuorrâ tavoh, moh tarbâšuvvojeh puoh tai vädis aaigij, uáiviminister Marin iätá.

Veikâ haahâ lii iäskán álgám, mield láá riemmâm jo 16 ornijdummeed: Suomen Punainen Risti, Suomen Lentopelastusseura SLPS, Mieli Ry, Maanpuolustuksen koulutus, Suomen Uimaopetus- ja Hengenpelastusliitto ry, Suomen pelastuskoiraliitto, Suomen Työväen Urheiluliitto TUL, Suomen Partiolaiset, Naisten Valmiusliitto, Mannerheimin lastensuojeluliitto, Suomen Pelastusalan Keskusjärjestö, Suomen Radioamatööriliitto SRAL, Maanpuolustusnaisten Liitto ry, Marttaliitto, Allianssi já Pelastakaa Lapset. Meiddei eres tuáimeeh láá puátimin mield.

Muštâl jieijâd muštâlus tubdâldâsâiguin #suomitoimii  #yhdessä

Statârääđi viestâdem juáhá ohtsâšpargokuoimijdiskuin tubdâmušâid já puudâid išedeijee, movtijdittee já kriisâtiileest kuoimijdis tuárjoo Suomâst tubdâldâsâiguin #suomitoimii #yhdessä.

Lasetiäđuh haavâst suomitoimii.fi

Stuárráámus uási muštâl ete lii išedâm nuubijd koronakriisâ ääigi

Išedeh-uv ulmuuh nubijdis? Vástádâs lii, ete kale išedeh. Stuárráámus uási Nannaam-Suomâ ässein muštâl ete láá išedâm nuubijd koronakriisâ ääigi. Táválumosávt iše lii fallum perruujesânáid já huolhijd, kiäh iä aasâ siämmáá káátu vyelni. Meiddei ustevijd, smavvâirâtteijeid já naaburijd láá išedâm. Išedemhaalu tiättoo statârääđi kanslia Lovottâhkuávdáást rähtittem koijâdâllâmtutkâmušâst, mast tutkii 15-74-ihásij uáinuid nettikoijâdâlmáin 2.-5.4.2020.

Syemmiliih feerejii, ete sij lijjii finnim pyereest tiäđu koronakriisâ tovâttem nubástusâin eellimsis. Joba oovce love västideijest (89 %) muštâlii, ete lijjii finnim pyereest tâi viehâ pyereest tiäđu koronakriisâ vaiguttâsâin jieijâs argâsis. Tiäđu lijjii finnim pyeremusávt kuávdáš viestâdemriäiduin tegu televisiost já aavisijn, mutâ tehálâžžân feerejii meiddei savâstâlmijd pargo- já uáppusaajeest sehe jieijâs aldemuiguin.  Syemmiliih lijjii tutâvááh esivääldi viestâdmân koronatiileest. Viestâdem onnui lyetittetten já täsipiälálâžžân.

Tiätu iššeed čonnâsiđ. Joba 96 % västideijein ettii, ete lijjii čuávvum esivääldi adelem ravvuid jo-uv viehâ tâi uáli pyereest. Stuárráámus uási västideijein (87 %) láá porgâm tom puorijn mieláin tâi viehâ puorijn mieláin.

Kansalaispulssi (Lovottâhkuávdáá koijâdâllâmtutkâmušpuátuseh)

Lasetiäđuh: Statârääđi viestâdemhovdâ Päivi Anttikoski, p. 040 536 4821, statârääđi kanslia sehe spesialtotkee Antti Sillanpää, p. 0295 140 012, Torvolâšvuotâkomitea čällee

Palaa sivun alkuun