Vasttõõzz kõõččmõõžžid halltõõzz liʹnjjõõzzâst noorõõttmõõžži rääʹjtummšest - Väʹlddvuâkkõssân juõʹǩǩʼka vasttõs jääʹǩǩted jiijjâsmääinlânji vuäʹppõõzzid
Väʹlddminister Marin halltõs liʹnjjii 16. pâʹsslašttâm-mannust 2020 lââʹsstuåimin koronaviirusvueʹjj håiddam diõtt Lääʹddjânnmest.
Ministeriaid da veʹrǧǧkonttrid puäʹtte ååʹn jiânnai kõõjjõõzz halltõõzz liʹnjjõõzzi suåvvtummšest vueʹjjest. Vuõiggâdvuõttministeria lij noorrâm vasttõõzzid täujja kõččum kõõččmõõžžid kuõskeeʹl liʹnjjõõzz: ”Rääʹjtet õõlmâs noorõõttmõõžžid lååi ooumže da siâzztõõlât veäʹltted taarbteʹmes åårrmõõžž takai paaiʹǩin.” Ååʹn norrum vasttõõzzid tiuddeet čõõđ ääiʹj.
Väʹlddvuâkkõs lij tõt, što juõʹǩǩʼkast vuõrâsoummust lij vuâsttõs jääʹǩǩted jiijjâsmääinlânji noorõõttâmrääʹjtõõzzid da vuäʹppõõzzid sosiaalʼlaž kõõsk âânnmõõžžâst. Vuõrâsoummui vuâsttõõzzâst lij ââʹnned huõl, što še päärna tõid jääʹǩǩte.
Što koronaviirrus leävvnummuž vueiʹtet meälǥted, oummuin feʹrttai veäʹltted sosiaalʼlaž kõskknažvuõđ vueiʹtlva jiânnai. Nääiʹt âlgg tuejjeed, što suõjjeet riskkjouʹǩǩe kuulli oummuid da tiõrvâsvuõđhuõllriâšldõk ij pâʹjjelkuârmtõõvv.
Riikksuåvtõs tuʹmmji noorõõttâmrääʹjtõõzzin koronaviiruspõõžžtummši leävvnem meälǥtummšen da riskkjoouki sueʹjjlummšen 16.3.2020. Liʹnjjõõzz liâ viõǥǥâst 13.4.2020 räjja. Tät tuʹmmstõk tuåimteš viõʹǩǩe Vuʹvddvaaldâšmkonttri meärrõõzzin 17.3.2020.
Vuõiggâdvuõttministeria: täujja kõččum kõõččmõõžž koronaviirrus pirr
Lââʹssteâđ: kansliašurr Pekka Timonen, vuõiggâdvuõttministeria. Lââʹssteâđaid kuõskki raukkmõõžž addrõʹsse [email protected] (saaǥǥ[email protected]).
Pååʹleshalltõs, pååʹlestaʹrǩǩeei Konsta Arvelin, teʹl. 0295 481 698 (vuåppmõʹšše kuõskki kõõččmõõžž)