Hyppää sisältöön
Valtioneuvosto ja ministeriöt
Media
Valikko

Pargee pargokenigâsvuotân kyeskee kiärgusvuotâlaavâ anonväldimasâttâs ovdâskoodán

Statârääđi kanslia 26.3.2020 13.30

Staatârääđi adelij koskoho njuhčâmáánu 25. peeivi asâttâs, mon mield tiervâsvuođâhuolâttâs pargei kiärgusvuotâlaavâst uáivildum kenigâsvuođâ porgâđ puáhtá heiviittiđ oles enâmist. Paargon pyehtih koččođ sehe almos já priivaat tiervâsvuođâhuolâttâs syergist tuáimee ulmuid, kiäh láá finnim syergi škovlim já kiäh láá tiävdám 18 mutâ ij 68 ihheed.

Pargokenigâslii sajattuv já vuoigâdvuođâi suoijim várás heiviittemnáál puátih meid kiärgusvuotâlaavâ 14 lovo njuolgâdusah. Taah njuolgâdusah kyeskih pargokenigâsvuođâ pirrâdâhân kullee ulmui almottâttâmkenigâsvuotân, pargomiärádâs siskáldâsân, pargomiärádâs adelem raijiittâssáid já pargomiärádâs adelem ohtâvuođâst huámmášumán väldimnáál aššijd. Toos lasseen heiviittemnáál puátih pargokenigâsvuotâkoskâvuotân, pargokenigâsvuotâkoskâvuođâ iävttoid já pargoadeleijee tiäđuiadelemkenigâsvuotân sehe pargokenigâsvuotâregisterân kyeskee njuolgâdusah.  

PI-toimâttuvah tuáimih pargokenigâsvuođâ olášutmist toimâváldálâš virgeomâhâžžân. 

Asâttâs šadda vuáimán 26.3.2020 já tot lii vyeimist 13.4.2020 räi.

Haldâttâs lii pahudâm ohtsâštooimâst täsivääldi presidentáin, ete Suomâ lii spiekâstâhtiileest koronavirustile keežild. Staatârääđi adelij 17.3.2020 kyehti kiärgusvuotâlaavâ miäldásii anonväldimasâttâs ovdâskoodán. Ovdâskodde meridij 18.3.2020, ete kiärgusvuotâlaavâ 86, 88, 93-95 já 109 §:st asâttum toimâváldásmitmij anonväldimist adelum staatârääđi asâttâs uážžu pääcciđ vuáimán eereeb pargee pargokenigâsvuotân kyeskee asâttâllâm.

Tuávááštiätu kiärgusvuotâlaavâst

Kiärgusvuotâlaavâst asâtteh virgeomâhái toimâváldásmitmijn spiekâstâhtile ääigi. Kiärgusvuotâlaavâst miäruštâllum toimâváldásmitmijd puáhtá kevttiđ tuše, jis tile ij pyevti haldâšiđ virgeomâhái táválij toimâváldásmitmijguin. Kiärgusvuotâlaavâ vuáđuld räijejeh aalmugjesânij vuoigâdvuođâid já táválii eellim tuše, jis tot lii velttidmettum aalmug suoijim tiet.

Kiärgusvuotâlaavâst asâttum toimâváldásmittem anonväldimist enâmustáá kuuđâ mánuppaje ááigán meriduvvoo staatârääđi asâttâssáin (anonväldimasâttâs), ko staatârääđi ohtsâštooimâst täsivääldi presidentáin lii pahudâm staatâst orroo spiekâstâhtile. Lopâlâš meridemväldi vuáimánšoddâmist lii ovdâskoddeest. Tot meerrid, ete olášuveh-uv staatârääđi adelem asâttâs laseváldásmitmeh ollásávt tâi uásild. Ovdâskodde puáhtá meid komettiđ staatârääđi adelem asâttâs.

Huápulii tiileest lii máhđulâš väldiđ laseváldásmitmijd tállân anon. Meid talle asâttâs puáhtoo ovdâskode kieđâvuššâmnáál ájáttâlhánnáá. Asâttâs kalga pyehtiđ ovdâskoodán oho siste tâi mudoi asâttâs jaska.

Staatârääđi asâttâs kiärgusvuotâlaavâ 95 § 2 momentist asâttum toimâváldásmittem anonväldimist já 96-103 § heiviitmist

Lasetiäđuh: ráđádâllee virgeolmooš Elina Isoksela, pargo- já iäláttâsministeriö, p. 0295 063 719, já hovdâ Jaska Siikavirta, sosiaal- já tiervâsvuođâministeriö, p. 0295 163 394 

Palaa sivun alkuun