Valtioneuvosto ja ministeriöt Media
Valikko

Uusimaa kuávlun jotteemraijiittâsah - Haldâttâs meridij uđđâ lasetooimâin koronaepidemia levânem estimân

Statârääđi kanslia 25.3.2020 22.00

Haldâttâs lii meridâm njuhčâmáánu 25. peeivi 2020 raijiđ Uusimaa eennâmkode já eres eennâmkuudij koskâsii jotoluv njuhčâmáánu 27. peeivi rääjist. Raijiittâsah láá vyeimist cuáŋuimáánu 19. peeivi 2020 räi. Uđđâ jotteemraijiittâsâi ulmen lii estiđ koronavirusnjuámumijd sehe hitodiđ epidemia levânem Uusimaast Suomâ eres kuávloid. Haldâttâs adelij jotteemraijiittâssáid kyeskee kiärgusvuotâlaavâ anonväldimasâttâs ovdâskode kieđâvuššâmnáál njuhčâmáánu 25. peeivi.

Ko jotteemraijiittâsah šaddeh vuáimán, te Uusimaa ässeeh kalgeh pissoođ eennâmkode kuávlust. Eres eennâmkuudij ässeeh iä paste eelliđ Uusimaa kuávlust. Juáhháást lii kuittâg vuoigâdvuotâ maccâđ suu päikki- tâi aassâmpäikkikoodán. Astoääigi mađhâšem ij lah suovvum. Täävvirjotoluv jotteem iä eesti uđđâ raijiittâsâi ääigi. Raijiittâsah iä meid kuoskâ jotemân Uusimaa siste.

Jotteem lii kuittâg suovvum virgeomâhâštooimâst sehe pargo, iäláttâs tâi luáttámuštooimâ hárjuttem tiet tâi lahâaasâtlii kenigâsvuođâ tevdim tiet. Jotteem iä meid raijii, jis toos lii tehálâš persovnlâš suijâ, tego päärni teivâmvuoigâdvuođâ olášuttem tâi aldaomâháá jäämmim. Poolis kocá jotteemraijiittâsâi nuávdittem. Raijiittâsâi rikkomist tâi nuávdithánnáá kyeđđimist poolis puáhtá meridiđ sááhu. Olmooš kalga adeliđ čielgiittâs suu jotteem suujâst tâi tárguttâsâst, jis poolis pivdá.

Jotteemraijiittâsâin já tai keevâtlijn vaikuttâsâin lii tárguttâs muštâliđ bussi-, juná-, metro- já rađejotoluv sajattuvâin já terminaalijn sehe junái já buusij čuovâtaavluin já kulluuttâsâin. Tiätu kalga leđe finnimnáál meid Uusimaa pirâstittee kieldâin já eennâmkodderaajijd rastaldittee pargomätkijotoluv tááhust merhâšittee eres päikkikuudij kuávdášlijn jotolâhsoojijn.

Lasetiäđuh:

Staatârääđi kanslia: vyelistaatâčällee Timo Lankinen, p. 0295 160 300

sisministeriö: pajehovdâ Tero Kurenmaa p. 0295 488 340 já kansliahovdâ Kirsi Pimiä ([email protected])

Poolishaldâttâs:  mediapalvâlus, p. 050 3999 039 (virgeääigi), [email protected]

Jotolâh- já viestâdemvirgádâh Traficom: pajehovdâ Jarkko Saarimäki, p. 040 836 0397

Palaa sivun alkuun