Hyppää sisältöön
Valtioneuvosto ja ministeriöt
Media
Valikko

Jotteemraijiittâsah Uusimaan vuáimán 28. njuhčâmáánu 2020

Statârääđi kanslia 28.3.2020 12.00

Statârääđi adelij 27. njuhčâmáánu ovdâskode kieđâvušmân kyehti asâttâs, moiguin väldih anon já älgih heiviittiđ kiärgusvuotâlaavâst miäruštâllum jotteemraijiittâsâid, moh kyeskih jotemân Uusimaa eennâmkode kuávlun já kuávlust meddâl. Eennâmkode kyeskee jotteemraijiittâsah puátih vuáimán 28. njuhčâmáánu tme 00.00 já láá vyeimist 19. cuáŋuimáánu 2020 räi.

Ko raijiittâsah láá puáttám vuáimán, Uusimaa ässeeh kalgeh pissoođ eennâmkode kuávlust. Eres eennâmkuudij ässeeh iä pyevti eelliđ Uusimaast. Juáhháást lii kuittâg vuoigâdvuotâ maccâđ päikki- tâi aassâmpäikkikoddásis. Astoääigi mađhâšem ij lah loválâš.

Täävvirjotoluv jotteem ij estuu uđđâ raijiittâsâi ääigigin. Raijiittâsah iä meid kuoskâ Uusimaan siskáldâs jotteem.

Ulmui jotteemraijiittâsâid iä heivit, jis jotteem lii velttimettum

1) esivälditooimâst;

2) pargo, iäláttâs, uápui tâi siärvádâhlii luáttámuštooimâ hárjuttem tiet;

3) viärjukenigâsvuotâpalvâlus tâi eres laavâst asâttum kenigâsvuođâ tevdim tiet tâi

4) aldaomâháá tipšo táárbu, jäämmim tâi jäämmimvaarâ tiet, párnáá teivâdemvuoigâdvuođâ olášuttem tâi eres merhâšume tááhust toiguin paldâlâs lusis persovnlâš suujâ keežild.

Poolis kocá jotteemraijiittâsâi čuávvum. Jotteem suujâst kalga adeliđ čielgâdus poolis pivdust.

Lasetiäđuh já ravvuuh jotteemraijiittâsâi ooleest

Távjá koijâdum koččâmušah (sisaašij ministeriö)

Kii uážžu rasteldittiđ Uusimaa rääji? Távjá koijâdum koččâmušah jotteemraijiittâsâin (poliisi.fi)

Poolis väldikodálâš ravvimpalvâlus palvâl numerist 0295 419 800 (pvm/mpm) argâpeeivij tme 8.00–16.15 koskâsii ääigi

Lasetiäđuh: vyeleeb statâčällee Timo Lankinen, p. 0295 160 300, statârääđi kanslia sehe pajehovdâ Tero Kurenmaa p. 0295 488 340, sisaašij ministeriö

Palaa sivun alkuun