Valtioneuvosto ja ministeriöt Media
Valikko

Jååʹttemrääʹjtõõzz Uusimaa mäddkådda viõʹǩǩe 28. pâʹsslašttâm-mannust 2020 čiâss 00.00

Riikksuåvtõõzz kanslia 28.3.2020 12.00

Riikksuåvtõs uuʹdi 27. pâʹsslašttâm-mannust eeʹttiǩ-kååʹdd ǩiõttʼtõõllâmnalla kueʹhtt asetõõzz, koin vääʹldet âânnmõʹšše da ääʹljet suåvvted vaalmâšvuõttlääʹjjest meäʹrtõllum jååʹttemrääʹjtõõzzid, kook kueʹsǩǩe jååttmõõžž Uusimaa mäddkååʹdd vuuʹdest da vuuʹdest meädda. Mäddkååʹdd kuõskki jååʹttemrääʹjtõõzz šâʹdde viõʹǩǩe 28. pâʹsslašttâm-mannust čiâss 00.00 da liâ viõǥǥâst 19. njuhččmannu 2020 räjja.

Rääʹjtõõzzi pueʹttmest viõʹǩǩe Uusimaa mäddkååʹdd jälsteeʹjin âlgg põõššâd mäddkååʹdd vuuʹdest. Jeeʹres mäddkooʹddi jälsteei jiâ vueiʹt jååʹtted Uusimaa mäddkååʹddest. Juõǩǩʼkast lij kuuitâǥ vuõiggâdvuõtt mäʹcced jiijjâs domm- leʹbe jälstempäiʹǩǩ-kådda. Luõvâsääiʹj mäʹtǩstõõllmõš ij leäkku sååʹvšum.

Täʹvvertrafiikk jååttmõõžž jiâ ni ođđ rääʹjtõõzzi poodd cõõgg. Rääʹjtõõzz jiâ ni še kuõsk Uusimaa mäddkååʹdd seʹst jååttmõõžž.

Persooni jååʹttemrääʹjtõõzzid jeät suåvâld, jõs jååttmõš lij viâltʼteʹm

1) veʹrǧǧneǩtuåimmjummšest

2) tuâj, jieʹllemvueʹjj, mättʼtõõttmõõžž leʹbe õhttsažkååddlaž naʹddjemtuåim tuejjummuž diõtt;

3) prizoovʼvuõđ leʹbe jeeʹres lääʹjjmeâldla õõlǥtemvuõđ teâuddjummuž diõtt leʹbe

4) roodnairuåđ håiddam taarb, jääʹmmem leʹbe jääʹmmemvaar diõtt, päärna vueiʹnnlõõttâmvuõiggâdvuõđ teâuddjummuž leʹbe jeeʹres tõid miârktõõzzâst paaldeei loʹsses persoonla määinai diõtt.

Pååʹles vuäpp jååʹttemrääʹjtõõzzi jääʹǩǩtummuž. Persoonâst feʹrttai uʹvdded pååʹles raaukeen čiõlǥtõs jååttmõõžžâs määinast.

Lââʹssteâđ da vuäʹpstõõzz jååʹttemrääʹjtõõzzid õhtteeʹl

Lââʹssteâđ: vueʹllriikkpiisar Timo Lankinen, teʹl. 0295 160 300, riikksuåvtõõzz kanslia di pâʹjjʼjååʹđteei Tero Kurenmaa, teʹl. 0295 488 340, siiʹsǩministeria

 

Palaa sivun alkuun