Valtioneuvosto ja ministeriöt Media
Valikko

Lihkadanráddjehusat Uusimaa guvlui fápmui 28. njukčamánu 2020

Stáhtaráđi kansliija 28.3.2020 12.00

Stáhtaráđđi attii 27. njukčamánu riikkabeivviid gieđahallamii guokte ásahusa, maiguin váldet atnui ja heivehišgohtet válmmašvuođalágas meroštallon lihkadanráddjehusaid, mat gusket lihkadeami Uusimaa eanagotti guvlui ja guovllus eret. Eanagotti guoskevaš lihkadanráddjehusat bohtet fápmui 28. njukčamánu dmu 00.00 ja leat fámus 19. cuoŋománu 2020 rádjai.

Ráddjehusaid fápmui boađedettiin Uusimaa ássit galget bissut eanagotti siste. Earáid eanagottiid ássit eai sáhte fitnat Uusimaas. Juohkehaččas lea goittotge vuoigatvuohta máhccat ruovttu- dahje ássanbáikegoddásis. Lustaáigge mátkkošteapmi ii leat lobálaš.

Gálvojohtalusa johtima eai ođđa ráddjehusaid áigge goittotge eastte. Ráddjehusat eai maiddái guoskka Uusimaa siskkáldas lihkadeami.

Olbmuid lihkadanráddjehusat eai heivehuvvo, jos lihkadeapmi lea vealtameahttun

1) virgeoapmahašdoaimmas;

2) barggu, ealáhusa, stuđerema dahje servodatlaš luohttámušdoaimma hárjeheapmin;

3) vearjoalmmáibálvalusa dahje eará lágasásahuvvon geatnegasvuođa deavdimii dahje

4) lágašolbmo divššu dárbbu, jápmima dahje heakkavára dihtii, máná deaivvadanvuoigatvuođa ollašuhttimii dahje eará daidda mearkkašumis dáfus buohtastahtton dehálaš persovnnalaš siva geažil.

Boles bearráigeahččá lihkadanráddjehusaid čuovvuma. Olmmoš galgá bolesa bivdagis addit čielggadusa lihkadeamis sivas.

Lassidieđut ja rávvagat laktásettiin lihkadanráddjehusaide

Lassidieđut: vuollestáhtačálli Timo Lankinen, t. 0295 160 300, stáhtaráđi kansliija ja allahoavda Tero Kurenmaa t. 0295 488 340, sisáššiidministeriija

Lassidieđut ja rávvagat laktásettiin lihkadanráddjehusaide

Dávjá jerrojuvvon jearaldagat lihkadanráddjehusain (sisáššiidministeriija)

Gii oažžu johtit Uusimaa rájá rastá? Dávjá jerrojuvvon jearaldagat lihkadanráddjehusain (poliisi.fi)

Bolesa váldegottálaš rávvenbálvalus bálvala nummiris 0295 419 800 (bfm/mtm) árgan dmu 8.00–16.15 gaskkas

Palaa sivun alkuun