Hyppää sisältöön
Valtioneuvosto ja ministeriöt
Media

Haldâttâs linjij hybridistrategia toimâvuávám tievâsmitmist

Statârääđi kanslia 25.1.2021 16.07

Haldâttâs linjij ráđádâlmijn 25. uđđâivemáánu hybridistrategia toimâvuávám tievâsmitmist. Staatârääđi taha ääšist prinsiipmiärádâs itten 26. uđđâivemáánu.

Hybridistrategia toimâvuáváámân tievâsmiteh kulmâ uđđâ toimâolesvuođâ, moi ulmen lii estiđ tom, ete koronaepidemia leevvân vuod jotelubbooht ja eromâšávt älkkeebeht njuámmoo virushäämi levânem Suomâst. 

Toimâvuávám tievâsmittoo čuávuvávt:

Tääsi 1. Puoh levânemmudo tooimâid kalga väldiđ anon tievâslávt kuávluin, moh láá levânemmuddoost. Vyeimist orroo raijiittâstooimah kalgeh pissoođ ucemustáá tááláá tääsist, tassaaš ko láá pastam árvuštâllâđ muttum virushäämi levânem já ton estimân tohhum tooimâi vaikuttâs. 

Tääsi 2. Epidemia jotelis jođálmum tâi muttum virushäämi levânem uhke vuáđuld váldojeh anon levânemmudo avžuuttâsâid já ravvuid. Ulmen lii jotelis já vuáimálâš kontaktij kiäppánem oles enâmist. Sosiaal- já tiervâsvuođâministeriö stivree kuávluid väldiđ tooimâid anon Tiervâsvuođâ já pyereestvaijeem lájádâs ciälkkámuš vuáđuld. Toh váldojeh anon, jis muttum virushäämi lassaan kuávlulávt já miärálávt tienuuvt, ete epidemia levânem estim váátá tooimâid ájáttâlhánnáá.  

Tääsist 2 puáhtá väldiđ anon väldikodálávt tâi kuávlulávt meid máhđulijd lasetooimâid, tego ovdâmerkkân ucediđ čokkânemraijiittâsâi stuárráámus suovvum olmoošmere. Oles enâmist puáhtá meid väldiđ anon nuuvt vijđes káidusmáttááttâs já muátusyejiavžuuttâs ko máhđulâš.

Njuámmootavdâlahâasâttem miäldásijn eres tooimâin kolgâččii meridiđ ovdil párnáid já nuoráid kyeskee raijiittâsâid (ovdâmerkkân juávkkuäigiájánâstooimâ koskâldittem).

Vuáđuškoovlâ pajeluokah sättih sirdâšuđ káidusmáttááttâsân. Taat lii kuittâg majemuu mudo toimâ. 

Máttááttâs- já kulttuurministeriö, sosiaal- já tiervâsvuođâministeriö já Tiervâsvuođâ já pyereestvaijeem lájádâs miäruštâleh tärkkilistum kriterijd taggaar juávkkuäigiájánâstooimân, mon kalga tääsist 2 koskâldittiđ. Siämmást kalga toohâđ párnáid já nuoráid tuárjoo munedeijee tooimâid, vâi pyehtih ucediđ párnái já nuorâi toimânaahcân já pyereestvajemân šaddee hemâdâsâid. 

Táásán 2 sirdâšum váátá sierâ staatârääđi kyedittem. 

Tääsi 3. Spiekâstâhtiilij já jotteemraijiittâsâi anon väldim ovdebij tooimâi lasseen. Koččâmušâst lii tuođâi korrâ toimâ, já tom puáhtá agâstâllâđ tuše, jis puáhtá čäittiđ, ete puoh ovdebeh tooimah iä pijssáá já ete epidemiatile toovvât njuolgâ uhke toos, ete tiervâsvuođâhuolâttâs kyeddimnahcâ ij pijssáá, tâi tot lii velttidmettum vâi turvâsteh aalmugjesânij jiegâ tâi tiervâsvuođâ.

Lasetiäđuh

kansliahovdâ Kirsi Varhila, strategiahovdâ Liisa-Maria Voipio-Pulkki já hovdâ Pasi Pohjola, sosiaal- já tiervâsvuođâministeriö, ovdânommâ.suhânommâ@stm.fi; 

pajetuáhtár Taneli Puumalainen já hovdâ Mika Salminen, Tiervâsvuođâ já pyereestvaijeem lájádâs, 
ovdânommâ.suhânommâ@thl.fi; 

kansliahovdâ Anita Lehikoinen, p. 0295 330 182, pajehovdâ Riitta Kaivosoja p. 0295 330 129 (kulttuur) já pajehovdâ Esko Ranto p. 0295 330 115 (lihâdem), máttááttâs- já kulttuurministeriö
 

Sivun alkuun