Hyppää sisältöön
Valtioneuvosto ja ministeriöt
Media

Halltõs liʹnjjʼji hybridistrategia toiʹmmplaan tiuddeem pirr

Riikksuåvtõõzz kanslia 25.1.2021 16.07

Halltõs liʹnjjʼji saǥstõõllmõõžžstes ođđeeʹjjmannu 25. peeiʹv hybridistrategia toiʹmmplaan tiuddeem pirr. Riikksuåvtõs tuejjad ääʹššest vuâđđjuurdtuʹmmstõõǥǥ jâđđa ođđeeʹjjmannu 26. peeiʹv.

Hybridistrategia toiʹmmplaaʹne tiuddeet kolmm ođđ toiʹmmobbvuõđ, koi täävtõsân lij vuâsttlâʹstted koronaepidemia šorrnem hooddõõvvmõõžž oʹđđest da aainâs hieʹlǩben njuämmjeei virusmuttõõzz leävvnummuš Lääʹddjânnmest. 

Toiʹmmplaan tiuddeet tän nalla:

Tääʹss 1. Pukid leävvnempoodd tooiʹmid âlgg väʹldded tiuddmeärrsiʹžžen ââʹnnma leävvnempoodd vuuʹdin. Viõǥǥâst åårrai rajjtemtooiʹm âʹlǧǧe põõššâd uuʹccmõsân ânnʼjõž tääʹzzstes, sa virusmuttõõzz leävvnummuž da tõn cõggâm diõtt tuejjuum tooiʹmi vaaiktemvuõtt lij vuõittum ärvvtõõllâd. 

Tääʹss 2. Epidemia jåʹttlõs hoddõõvvmõõžž leʹbe virusmuttõõzz leävvnem vaar vuâđald vääʹldet ââʹnnma leävvnempoodd siâzztõõzzid da vuäʹppõõzzid. Täävtõsân lij jåʹttlõs da kõrr kontaakti ǩeäppnummuš veezz jânnam. Sosiaal- da tiõrvâsvuõttministeria ohjjad vuuʹdid väʹldded tooiʹmid ââʹnnma Tiõrvâsvuõđ da pueʹrrvââjjamstroiʹttel ceâlkalm vuâđald. Tõid vääʹldet ââʹnnma, jos virusmuttõs lâssan vooudlânji da meäʹr beäʹlest nuʹtt, što epidemia leävvnem cõggmõš kaiʹbbai kõõskteʹmes tooiʹmid.  

Tääʹzzest 2 vueiʹtet še väʹldded ââʹnnma väʹlddkååddlânji leʹbe vooudlânji vueiʹtlvaž lââʹsstooiʹmid, mâʹte ouddmiârkkân ǩieʹppeed noorõõttâmrajjtõõzzi šuurmõs sååvšum ooumažmeäʹr. Veezz jânnam vueiʹtet še väʹldded ââʹnnma veiddsumus vueiʹtlvaž ougglõstuâjjsiâzztõõzz da maskksiâzztõõzz. 

Njuämmamtauddlääʹjj meâldlaž jeeʹres tooiʹmin õõlǥči tuʹmmeed õuʹddel päärnaid da nuõrid kuõskki rajjtõõzzin (ouddmiârkkân  joukkstaarjõstooiʹm kõskklâttmõš).

Vuâđđškooul pâʹjjklaass vuäiʹtte serddjed ougglõsmättʼtõʹsse. Tät lij kuuitâǥ mââimõs-sâjjsaž toiʹmm. 

Mättʼtõs- da kulttuurministeria, sosiaal- da tiõrvâsvuõttministeria da Tiõrvâsvuõđ da pueʹrrvââjjamstrooiʹtel meäʹrte tääʹrǩuum kriteeʹrid nåkam joukkstaarjõståimma, koon âlgg tääʹzzest 2 kõskklâʹtted. Seämmast âlgg tuejjeed päärnaid da nuõrid tuärjjeei õudldõʹstti tooiʹmid, što päärnai da nuõri toiʹmmjemoʹdde da pueʹrrvââʹjjma šõddi hääitaid vueiʹtet minimâʹstted. 

Tässa 2 serddjummuš kaiʹbbai jeeʹrab riikksuåvtõõzz peälštummuž. 

Tääʹss 3. Čoʹrstemvuõʹjji da liikkeemrajjtõõzzi ââʹnnmavälddmõš õõuʹdab tooiʹmi lââʹssen. Kõõččmõõžžâst lij mââimõs toiʹmm, da tõn vueiʹtet vuâđđtõõllâd tåʹlǩ, jos puk õõuʹdab tooiʹm lie očndõõttâm riʹjttjeteʹmmen da epidemiavueʹjj vueiʹtet čuäʹjted šõõđđtem kõõskteʹmes tiõrvâsvuõtthuâl kueʹddemoodd pâʹjjel mõõnnâm vaar, leʹbe tõt lij vieʹltʼtem meer jiõgg leʹbe tiõrvâsvuõđ staanâm diõtt.

Lââʹssteâđ:

kansliajååʹđteei Kirsi Varhila, strategiajååʹđteei Liisa-Maria Voipio-Pulkki da jååʹđteei Pasi Pohjola, sosiaal- da tiõrvâsvuõttministeria, [email protected]

pâʹjjdåhttar Taneli Puumalainen da jååʹđteei Mika Salminen, Tiõrvâsvuõđ da pueʹrrvââjjamstrooiʹtel, [email protected]

kansliajååʹđteei Anita Lehikoinen, t.. 0295 330 182, pâʹjj-jååʹđteei Riitta Kaivosoja t.. 0295 330 129 (kulttuur) da pâʹjj-jååʹđteei Esko Ranto t.. 0295 330 115 (liikkummuš), mättʼtõs- da kulttuurministeria

Sivun alkuun