Hyppää sisältöön
Valtioneuvosto ja ministeriöt
Media

Ráđđehus linnjii hybridastrategiija doaibmaplána dievasmahttimis

Stáhtaráđi kansliija 25.1.2021 16.07

Ráđđehus linnjii ráđđádallamisttis 25. ođđajagimánu hybridastrategiija dievasmahttimis. Stáhtaráđđi dahká áššis prinsihppamearrádusa ihttin 26. ođđajagimánu.

Hybridastrategiija doaibmaplánii dievasmahttojuvvojit golbma ođđa doaibmaollisvuođa, maid mihttomearri lea dustet koronaepidemiija jođálmuvvama ođđasit ja eandalii álkibut njoammu virusvariántta leavvama Suomas. 

Doaibmabidjoplána dievasmahtto čuovvovaš vuogi mielde:

Dássi 1. Buot leavvanmuttu doaimmaid galgá váldit ollislaččat atnui guovlluin, mat leat leavvanmuttus. Fámus lean ráddjehusdoaimmat galget bissut unnimustá dálá dásis, dassáigo virusvariántta leavvama ja dan eastimii dahkkon doaimmaid váikkuhusa leat bastán árvvoštallat.

Dássi 2. Epidemiija johtilis jođálmuvvama dahje virusvariántta leavvama áitaga vuođul váldojuvvojit atnui leavvanmuttu ávžžuhusat ja rávvagat. Mihttomearrin lea johtilis ja beaktilis kontávttaid geahppáneapmi oppa riikkas. Sosiála- ja dearvvašvuođaministeriija stivre guovlluid váldit atnui Dearvvašvuođa ja buresveadjima lágádusa cealkámuša vuođul. Dat váldojuvvojit atnui, jus virusvariánta lassána guvllolaččat ja mearálaččat nu, ahte epidemiija leavvama eastin gáibida doaimmaid dakka viđe.

Dásis 2 sáhttet váldojuvvot atnui riikkaviidosaččat dahje guvllolaččat maiddái vejolaš lassedoaimmat, dego ovdamearkan unnidit čoahkkananráddjehusaid stuorimus alimus lobálaš personmeari. Oppa riikkas sáhttá váldot atnui viidámus vejolaš gáiddusbargoávžžuhus ja máskaávžžuhus. 

Njoammundávdaláhkaásaheami čuvvon eará doaimmain galggašii mearridit mánáid ja nuoraid guoskevaš ráddjehusain (ovdamearkan joavkoáigeádjedoaimma gaskkalduhttin).

Vuođđoskuvla badjeluohkát sáhttet sirdásit gáiddusoahpahussii. Dát lea goittotge maŋimuš saji doaibma.

Oahpahus- ja kulturministeriija, sosiála- ja dearvvašvuođaministeriija ja Dearvvašvuođa ja buresveadjima lágádus meroštallet dárkilut kritearaid dakkár joavkoáigeádjedoibmii, mii galgá dásis 2 gaskkalduhttot. Seammás galgá dahkat mánáide ja nuoraide gullevaš avástalli doaimmaid, vai mánáid ja nuoraid doaibmanákcii ja buresveadjimii čuohcán hehttehusaid sáhttá minimaliseret.

Dássái 2 sirdáseapmi gáibida sierra stáhtaráđi miehtama.

Dássi 3. Spiehkastatdiliid ja lihkadanráddjehusaid atnuiváldin ovddit doaimmaid lassin. Sáhka lea ravddamuš doaimmas, ja dan sáhttá ákkastallat dušše, jus buot ovddit doaimmat lea gávnnahuvvon bistteheapmin ja epidemiijadili sáhttit gávnnahit mielddisbuktit njuolggo dearvvašvuođafuolahusa guoddinnávcca rájá badjel mannama, dahje dat lea vealtameahttun álbmoga heakka dahje dearvvašvuođa dorvvasteapmin.

Lassedieđut: 

kansliijaoaivámuš Kirsi Varhila, strategiijahoavda Liisa-Maria Voipio-Pulkki ja jođiheaddji Pasi Pohjola, sosiála- ja dearvvašvuođaministeriija, [email protected]

alladoavttir Taneli Puumalainen ja jođiheaddji Mika Salminen, Dearvvašvuođa ja buresveadjima lágádusa, ovdanamma.sohkanamma @thl.fi; 

kansliijaoaivámuš Anita Lehikoinen, t. 0295 330 182, allahoavda Riitta Kaivosoja t. 0295 330 129 (kultuvra) ja allahoavda Esko Ranto t. 0295 330 115 (lihkadeapmi), oahpahus- ja kulturministeriija

Sivun alkuun