Hyppää sisältöön
Valtioneuvosto ja ministeriöt
Media

Halltõs liʹnjjʼji serddmõõžžâst tâʹlles koronaepidemia vuâsttlâʹsttem tässa kuõʹhtt, halltõs vaalmâš väʹldded čoʹrstemvueʹjj ââʹnnma

Riikksuåvtõõzz kanslia 25.2.2021 10.26

Halltõs liʹnjjʼji täʹlvvmannu 24. peeiʹv saǥstõõllmõõžžâst koronapandemia vuâsttlâʹsttem čouggsab tooiʹmin da tääʹzz kuõʹhtt ââʹnnma välddmõõžžâst. 

Õhttsiʹžže čiččâm puõccihåiddamvuuʹd seʹst ohjjeet väʹldded tâʹlles ââʹnnma tääʹzz kuõʹhtt leʹbe leävvnempoodd čouggsumus rajjtõõzzid. Lââʹssen ååuʹc hooddõõvvâmpoodd voudda siâzztõõlât ââʹnned seämma tooiʹmid. Riikksuåvtõs oudd ääʹššest vuâđđjuurdtuʹmmstõõǥǥ täʹbbe õõlmâs-såbbreʹstes.

Halltõõzzâst lij vaalmâšvuõtt tuõttâd čoʹrstemvueʹjj veezz jânnam. Suåvldeeʹl vuâđđlääʹjj 23§ lääʹjjest šiõttuum čoʹrstemvuõʹjjin restraantid eʹtǩǩeet piijjâd ǩidd koolm neäʹttel ääiǥas pâʹsslâšttam-mannu 8.–28. peeiʹv. Eʹtǩǩuum ǩidd piijjmõš ij kuõsk epidemia vuâđđtääʹzz vuuʹdid.

Mieʹrren täi puki tooiʹmivuiʹm lij põrggâd cõggâd koronaepidemia jåʹttlõs hooddõõvvmõõžž da põrggâd cõggâd viõusab njuämmjõʹtti virusmuttõõzzi täujjnummuž. 

Čouggsumus rajjtõõzz viõʹǩǩe čiččmest puõccihåiddamvuuʹdest

Pukid leävvnempoodd vuuʹdid da jeeʹres veʹrǧǧniiʹǩǩid ohjjeet väʹldded ââʹnnma tiuddmeärrsiʹžžen pukid koronaepidemia leävvnempoodd tooiʹmid, ââʹneeʹl seʹst njuämmamtauddlääʹjj ođđ väʹlddõõzzid:

  • Veiddsõs ougglõstuâjj- da muâttmaskksiâzztõs
  • Riskkjoouki suõjjummuš
  • Õllškoouli ougglõsmättʼtõs
  • Õõlmâs sõõʹji âânnmõõžž rajjtummuš di ǩidd piijjmõš (siâzztõõzz da tuʹmmstõõǥǥ)
  • Rääʹvesoummi joukkstaarjõstooiʹm kõskklâttmõš (siâzztõõzz da tuʹmmstõõǥǥ)
  • Vueiʹtlvaž ooumažjoottlõõǥǥ maatkčeeimieʹri rajjtõõzz

Täi juʹn ääiʹjab ââʹnnmest åårram tooiʹmi lââʹssen čouggsab, halltõõzz toiʹmmplaan tääʹzz kuõʹhtt meâldlaž lââʹsstooiʹmid ohjjeet väʹlddemnalla ââʹnnma täin vuuʹdin:

  • Helsinki da Uusimaa 
  • Varsinais-Suomi
  • Satakunta
  • Kanta-Häme
  • Vaasa
  • Ahvenanmaa 
  • Lappi

Lââʹsstooiʹm lie täk:

  • Pâʹjjel 6 oummu noorõõttâmrajjtõs
  • Pâʹjjel 6 oummu privattšõddmõõžži veälttmõš 
  • Kååʹdd da kåʹddõhttâm viõusee tooiʹmid karanteeʹn da čårreem čõõđ viikkâm seuʹrrjummšest

Seämma tooiʹmid da lââʹsstooiʹmid siâzztõõlât ââʹnnma väʹlddemnalla še täid hooddõõvvâmpooddâst åårrai åʹhccen voudda:

  • Itä-Savo
  • Etelä-Karjala
  • Pirkanmaa
  • Keski-Suomi
  • Päijät-Häme
  • Länsi-Pohja
  • Pohjois-Pohjanmaa
  • Etelä-Pohjanmaa
  • Kymenlaakso

Čoʹrstemvueʹjj da resttraanti ǩidd piijjmõš pâʹsslâšttam-mannu 8.–28. peeiʹv

Halltõõzzâst lij vaalmâšvuõtt tuõttâd čoʹrstemvueʹjj veezz jânnam. Väʹlddminister lij saǥstõõllâm tääʹssvääʹld presideeʹntin čoʹrstemvueʹjj tuõttmõõžž pirr veezz jânnam. Eeʹttiǩ-kåʹddjoouk noorâʹtte saǥstõõllâd vueʹjj pirr mâʹŋŋlubust nelljdpeeiʹv. Riikksuåvtõõzzâst lij vaalmâšvuõtt tuʹmmeed čoʹrstemvuâkka serddmõõžžâst puõʹtti neäʹttlest.

Restraantid eʹtǩǩeet čoʹrstemvueʹjjest piijjâd ǩidd pâʹsslâšttam-mannu 8.–28. peeiʹvid, lokku vääʹldǩani vuâđđtääʹzz vuuʹdid. Porrmõõžž ååuǥaskaaupšummuš äʹššniiʹǩǩid lij kuuitâǥ sååvšum.

Lââʹssen pâʹsslâšttam-mannu 8.peeiʹv ääʹljeeʹl da vueʹssen tääʹzz kuõʹhtt lââʹsstooiʹmid, leävvnem- da hooddõõvvâmpooddâst åårrai vuuʹdin vuâđđškooul pâʹjjklaassid ohjjeet serddjed kõõskâst ougglõsmättʼtõʹsse. Pâʹjjel 12-âkksai joukkstaarjõstooiʹm vueiʹtet kõskklâʹtted.


Lââʹssteâđ: väʹlddministeeʹr riikkpiisar Henrik Haapajärvi, [email protected] da Pasi Pohjola, sosiaal- da tiõrvâsvuõttministeria, [email protected] 

Koronavirusepidemian vaiheet ja torjuntatoimien tasot | valtioneuvosto.fi

Sivun alkuun