Hyppää sisältöön
Valtioneuvosto ja ministeriöt
Media

Ráđđehus linnjii sirdáseamis dakkaviđe koronaepidemiija duostuma dássái guokte, ráđđehus gárvvis váldit atnui spiehkastatdiliid

Stáhtaráđi kansliija 25.2.2021 10.26

Ráđđehus linnjii ráđđádallamisttis guovvamánu 24. beaivve koronaepidemiija duostuma čavgadit doaimmain ja dási guokte atnui váldimis.  

Oktiibuot čieža buohccedikšunbiirre guovllus stivrejuvvojit váldit atnui dakkaviđe dási guokte dehege leavvanmuttu čavgadeamos ráddjehusaid. Dasa lassin ovcci jođálnuvvanmuttu guvlui ávžžuhuvvojit atnui seamma doaimmat. Stáhtaráđđi addá áššis prinsihppamearrádusa odne dievasčoakkámisttis. 

Ráđđehusas lea válmmasvuohta gávnnahit olles riikii spiehkastatdiliid. Guoskadettiin vuođđolága 23 § lágas mearriduvvon spiehkastatdiliid restauráŋŋafitnodagat evttohuvvojit giddema várás golmma vahkkui njukčamánu 8.–28. beivviid. Evttohuvvon gidden ii guoskka epidemiija vuođđodási guovlluid.  

Buot dáid guovlluid doaimmaid ulbmilin lea viggamuš caggat koronaepidemiija jođálnuvvama ja eanet njoammu virusvariánttaid lassáneami. 

Čavgadit ráddjehusat fápmui čieža buohccedikšunbiirres 

Buot leavvanmuttu guovllut ja sierra eiseválddit stivrejuvvojit váldit atnui dievasmearálažžan buot koronaepidemiija leavvanmuttu doaimmaid, maidda gullet njoammudávdalága ođđa fápmudusat: 

  • Viiddes gáiddusbargo- ja muohtomáskaávžžuhus 
  • Riskajoavkkuid suddjen 
  • Allaskuvllaid gáiddusoahpahus 
  • Almmolaš sajiid anu ráddjen sihke gidden (ávžžuhusat ja mearrádusat) 
  • Ráves olbmuid joavkoáiggeádjedoaimma gaskkalduhttin (ávžžuhusat ja mearrádusat) 
  • Vejolaš persovdnajohtolaga mátkkošteaddjimeriid ráddjehusat 

Dáid juo ovddit geavahusas leamaš doaimmaid lassin čavgadit lassidoaimmat ráđđehusa doaibmaplána dási guokte mielde stivrejuvvojit atnui váldima várás čuovvovaš guovlluin:  

  • Helsset ja Uusimaa 
  • Varsinais-Suomi
  • Satakunta
  • Kanta-Häme
  • Vaasa
  • Ålánda 
  • Sápmi (Lappi)

Lassidoaimmat leat čuovvovaččat: 

  • Badjel 6 olbmo čoahkkananráddjehus 
  • Badjel 6 olbmo priváhtadilálašvuođaid garvin 
  • Gielddat ja gieldaovttastumit beavttálmahttet doaibmabijuideaset karantena ja errema ollašuvvama bearráigeahčus 

Seamma doaimmat ja lassidoaimmat ávžžuhuvvojit atnui váldima várás maiddái čuovvovaš jođálnuvvanmuttu ovcci guovllus: 

  • Nuorta-Savo
  • Lulli-Gárjil
  • Pirkanmaa
  • Gaska-Suopma
  • Päijät-Häme
  • Oarjebađaeanan
  • Davvebađaeanan
  • Lulli-Nuortabađaeanan
  • Kymenlaakso

Spiehkastatdilit ja restauráŋŋaid gidden njukčamánu 8.–28. beivviid

Ráđđehusas lea válmmasvuohta gávnnahit olles riikii spiehkastandiliid. Oaiveministtar lea ságastallan spiehkastatdiliid gávnnaheamis dásseválddi presideanttain. Riikkabeaivejoavkkut čoahkkanit ságastallat dilis maŋŋel duorastaga. Stáhtaráđis lea válmmasvuohta mearridit spiehkastatdiliide sirdáseamis boahtte vahku. 

Spiehkastatdiliin restauráŋŋafitnodagat evttohuvvojit giddema várás njukčamánu 8.–28. beivviid, earret vuođđodási guovlluid. Borramuša olggosvuovdin áššehasaide lea goitge lobálaš. 

Dasa lassin njukčamánu 8. beaivvi rájes ja nuppi dási lassidoaibmabijuid oassin, leavvan- ja jođálnuvvanmuttu guovlluin vuođđoskuvlla badjeluohkát stivrejuvvojit sirdásit gaskaboddasaš gáiddusoahpahussii. Badjel 12-jahkásaččaid joavkoáiggeádjedoaibma sáhttá gaskkalduhttojuvvot. 


Lassidieđut: oaiveministara stáhtačálli Henrik Haapajärvi, [email protected] ja Pasi Pohjola, sosiála- ja dearvvašvuohtaministeriija, ovdanamma.goargu @stm.fi 

Koronavirusepidemian vaiheet ja torjuntatoimien tasot | valtioneuvosto.fi

Sivun alkuun