Hyppää sisältöön
Valtioneuvosto ja ministeriöt
Media

Haldâttâs meridij räjijotoluv čavgemist

22.1.2021 20.24

Haldâttâs meridij paijeelmiärálii statârääđi čuákkimist 22. uđđâivemáánu sehe räjijotoluv já iskos- já karanteenavžuuttâsâi čovgimist. 

Tai toimâiguin viggeh tuástuđ koronaepidemia šoddâm joođáálmmist uđđâsist sehe virusmutaatio levânem Suomâst. Leevvândijnis uđđâ virusmutaatio puáhtá tovâttiđ čielgâsávt tolebáá jotelubbooht levâneijee epidemia. 

Sis- já olgoräjimiärádâsâi čovgimeh

Sisräjikocceem juátkoo 25. kuovâmáánu räi. Enâmânpuáttim pargo vuáđuld räijejuvvoo tuše velttimettumân. Sisraajijn tiptojeh tuše huolâttemvisesvuođâ já siärváduv toimâm tááhust velttimettum pargojotolâh já tiätu sierâ mainâšum eromâš juávhuh. Enâmânpuáttim tiptoo áášán lahtojeijee pargoadeleijee tevdim luámáttuvváin. 

Tiätu eromâš juávhoid lii máhđulâš puáttiđ enâmân. Eromâš juávhuh luávdih eereeb iärrás kulttuur, valastâllâm já iäláttâseellim. Iäláttâseellim uásild tágáreh pargoh láá eromâšávt toimâsyergi iällám, uđđâ stuárrum, kuávluekonomia tâi kuhes äigikooskâ toimâmiävtui turvimân velttimettum pargoh.

Räjisiärvusáid kullee ässei sierâvuoigâdvuođah lopâttuvvojeh. Räjikieldâi ässei rijjâ vuoigâdvuotâ ášástâllâđ naaburstaatâ peln nohá. Räjirastelditmân puátá meiddei oppeet karanteenavžuuttâs.

Hyelhi miäruštâllâm čavgejuvvoo sisräjijotoluvâst. Puátteevuođâst raijim luávdá tuše čuávuváid perruujesânijd: pelikyeimi (meiddei ávuspelikyeimi já ovtâstâllâmkoskâvuođâ), párnáá, vanhimijd, vuonijd já vyeppeid sehe ááhuid já äijihijd. 

Lasseen Imatra räjirasteldittemsaje steŋgejuvvoo persovnjotoluvâst. Täävvirjotolâh juátkoo tegu táválávt. Laapist viestâr- já taveraajij räjirasteldittemsoojij ávusorroomaigijd pyehtih puáttiđ persovnjotolâhân kyeskee nubástusah.

Miärádâsah puátih iänááš vuáimán 27. uđđâivemáánu tme 00.00.

Sisräjikocceem macâttem ij vaaigut vuáđulaavâst torvejum jotteemvuoigâdvuotân, mon mield Suomâ aalmugjesânist lii vuoigâdvuotâ puáttiđ enâmân já vyelgiđ enâmist, jis suu mađhâšemvuoigâdvuotâ ij lah räijejum.

Liiŋkah (suomâkielân)

Maahantulon rajoituksia kiristetään 27.1. | SM:n tiedote 22.1.2021

Lasetiäđuh

Räjikocceemlájádâs aalmugjesânij ravvimpuhelin 0295 410 100 (oholoopâ 23.-24.1. tme 8-16, argâpeeivij tme 8-16) sehe šleđgâpostâ:[email protected]
 

Sivun alkuun