Hyppää sisältöön
Valtioneuvosto ja ministeriöt
Media

Halltõs tuʹmmii raajj-joottlõõǥǥ čouggmõõžžâst

22.1.2021 20.24

Halltõs tuʹmmii pâʹjjelmeärrsaž riikksuåvtõõzz išttmõõžžâst ođđeeʹjjmannu 22. peeiʹv nuʹtt raajj-joottlõõǥǥ ko teʹsttjem- da karanteeʹnsiâzztõõzzi čouggmõõžžâst. 

Täi tooiʹmivuiʹm põõrǥât vuâsttlâʹstted koronaepidemia šorrnem hoddõõvvmõõžž oʹđđest di virusmuttõõzz leävvnummuž Lääʹddjânnmest. Täujjneeʹn ođđ virusmuttõs vuäitt šõõddted čiõlggsânji ääiʹjab jåʹttlubun leävvneei epidemia. 

Siiʹsǩ- da ålggraajjtuʹmmstõõǥǥi čouggmõš

Siiʹsǩraajjvalvvmõõžž jueʹtǩet täʹlvvmannu 25. peeiʹv räjja. Jânnmapuâttmõõžž reâuǥast jååʹttem vuâđald rajjted tåʹlǩ vieʹltʼtem tässa. Siiʹsǩraajin sååʹvšed reâuggmäʹtǩǩjoottlõkkân tåʹlǩ huâllainsmâttmõõžž da õhttsažkååʹdd toiʹmmjem beäʹlnn vieʹltʼteʹmes reâuggmäʹtǩǩjoottlõõǥǥ da tiõttum jeäʹrben peäggtum spesiaaljooukid. Jânnmapuâttmõõžž sååʹvšet äšša kuulli tuâjjuʹvddi tieuʹddem lomaakkin. 

Tiõttum spesiaaljooukid lij vueiʹtlvaž pueʹtted jânnma. Spesiaaljoouk käʹtte jeeʹrab mieʹldd kulttuur, sporttjummuž da jieʹllemvueʹǩǩjeäl. Jieʹllemvueʹǩǩjeäl beäʹlnn näkam tuâj lie aainâs toiʹmmsueʹrj jeällʼjem, ođđ šorrnem, vooudlaž tällõõzz leʹbe kuʹǩes äiʹǧǧkõõsk toiʹmmjemõudldõõzzi staanâm diõtt vieʹltʼteʹmes tuâj.

Raajjõõutstõõzzid kuulli jälsteeʹji jeeʹrab čoʹrstummšid loopptet. Raajjkooʹddi jälsteeʹji raajteʹmes vuõiggâdvuõtt äʹššeed raajj-jânnam beäʹlnn poott. Rââst raaj jååttmõʹšše mäcc še karanteeʹnsiâzztõs.

Ruåđ mieʹrteeʹlm čoouǥât siiʹsǩraajj-joottlõõǥǥâst. Juätkast rajjtõs kätt tåʹlǩ täiʹd piârvuäzzlaid: pieʹllkueiʹmm (äävkueiʹmm da ǩiiččeempodd še), päärnaž, puärraz, vuõppiʹʒʒe da maaddârpuärraz. 

Lââʹssen Imatra raajjrâstldempääiʹǩ tõõppât oummin. Täʹvverjoottlõk juätkkai takainalla. Lappist viõstâr- da tâʹvvraaj raajjrâstldempaaiʹǩi äävaiåårramaaiʹjid vâjja pueʹtted oummi jååttmõõžž kuõskki muttâz.

Tuʹmmstõõǥǥ puäʹtte väʹlddvueʹjjest viõʹǩǩe täʹlvvmannu 27. peeiʹv čiâss 00.00.

Siiʹsǩraajjvalvvmõõžž maacctummuš ij vaaikât vuâđđlääʹjjest staanum liikkeemraajteʹmesvuõʹtte, koon mieʹldd Lääʹdd meerlast lij vuõiggâdvuõtt pueʹtted jânnma da võõidâd jânnmest, jos ij suu maatkčemvuõiggâdvuõttâs leäkku rajjtum.

Liiŋk

Jânnmapueʹttem rajjtõõzzid čoouǥât 27.1. | SM teâđtõs 22.1.2021

Riikksuåvtõõzz tuʹmmstõk raajjvalvvmõõžž kõskkpoddsaž siiʹsǩraajid tuejjuum tuʹmmstõõǥǥ muʹttmest da tuʹmmstõõǥǥ viõǥǥâståårrmõõžž juätkkmõõžžâst | 22.1.2021

Riikksuåvtõõzz tuʹmmstõk raajjrâstldempaaiʹǩi joottlõõǥǥ rajjtummšest tuejjuum tuʹmmstõõǥǥ muʹttmest da tuʹmmstõõǥǥ viõǥǥâståårrmõõžž juätkkmõõžžâst | 22.1.2021

Lââʹssteâđ

Raajjväärdtõkstroiʹttel meervuäʹpstemteʹlfoon: 0295 410 100 (neäʹttel-looppâst 23.-24.1. čiâss 8-16, aarǥi čiâss 8-16) di neʹttpååʹšt mieʹldd: [email protected]

Sivun alkuun