Hyppää sisältöön
Valtioneuvosto ja ministeriöt
Media

Ráđđehus mearridii rádjajohtalusa čavgemis

22.1.2021 20.24

Ráđđehus mearridii stáhtaráđi badjelmearálaš čoahkkimis 22. ođđajagimánu sihke rádjajohtalusa ja testen- ja karanteanaávžžuhusaid čavgemis.

Dáiguin doaimmaiguin figgat dustet koronaepidemiija šaddama jođálmuvvama ođđasit ja virusvariántta leavvama Supmii. Lassánettiin ođđa virusvariánta sáhttá dagahat čielgasit ovddit johtilut leavvama epidemiijan.

Sis- ja olgorádjamearrádusaid čavgemat 

Sisrádjabearráigeahčču jotkojuvvo 25. guovvamánu rádjai. Riikii boahtin barggus johtima vuođul ráddjejuvvo dušše vealtameahttumii. Sisrájáin lea lobálaš bargomátkejohtalussan dušše fuolahansihkkarvuođa ja servodaga doaimmalašvuođa dáfus vealtameahttun bargomátkejohtalus ja dihto sierra máinnašuvvon sierrajoavkkuid. Riikii boahtin lea lobálaš áššái laktásan bargoaddi deavdán skoviin.

Dihto sierrajoavkkuin lea vejolaš boahtit riikii. Sierrajoavkkut sisttisdollet earret eará kultuvrra, valástallama ja ealáhuseallima. Ealáhuseallima dáfus dákkár doaimmat leat eandalii doaibmasuorggi ealáskeami, ođđa šaddama, guvllolaš ekonomiija dahje guhkes áigegaskka doaibmaeavttuid dorvvasteapmin vealtameahttun doaimmat.

Rádjaservošii gullevaš sierrarievttit heaittihuvvojit. Rádjagielddaid ássiid friddja riekti dikšut áššiid ránnjáriikka bealde nohká. Rádjarasttildemiide máhccá maiddái karanteanaávžžuhus.

Fuolkevuođa meroštallan čavgejuvvo sisrádjajohtalusas. Boahttevuođas ráddjen doallá sisttistis dušše čuovvovaš bearašlahtuid: beallelaš (maiddái ássanguoibmi ja servvoštallangaskavuohta), mánná, vánhemat, vuohpat ja vuotnámat ja áhkut ja ádját.

Lassin Imatra rádjarasttildanbáiki giddejuvvo personjohtalusas. Gálvojohtalus joatkašuvvá dábálaččat. Lappis oarje- ja davverájá rádjarasttildanbáikkiid rabasáiggiide sáhttet boahtit personjohtalussii guoskevaš nuppástusat.

Mearrádusat bohtet eanaš oassái fápmui 27. ođđajagimánu dmu 00.00.

Sisrádjabearráigeahču máhcaheapmi ii váikkut vuođđolágas dorvvastuvvon lihkadanfriddjavuhtii, man mielde Suoma riikkavuložis riekti máhccat riikii ja vuolgit riikkas, jus su mátkkoštanrievtti eai leat ráddjen.

Lassedieđut

Rádjagozáhuslágádusa álbmottelefon: 0295 410 100 (vahkuloahpas 23.-24.1. dmu 8-16, árgan dmu 8-16) ja šleađgapoasttain: [email protected]

Riikii boahtima ráddjehusat čavgejuvvojit 27.1. | SM:a dieđáhus 22.1.2021

Sivun alkuun