Hyppää sisältöön
Valtioneuvosto ja ministeriöt
Media

Ráđđehus linnjii váldegottálaš ja guvllolaš ávžžuhusain koronaepidemiija leavvama goazaheapmái

Stáhtaráđi kansliija 16.10.2020 13.42

Ráđđehus linnjii ráđđádallamiinnis odne 15. golggotmánu sihke váldegottálaš ja guvllolaš ávžžuhusain koronaepidemiija leavvama goazaheapmái.

Ávžžuhusain váldet vuhtii epidemiologalaš dilleárvalusa. Ráđđehus dahká ávžžuhusain prinsihppamearrádusa stáhtaráđi almmosčoahkkimis boahtte vahkus (vahkku 43).

Váldegottálaš gáiddusbargoávžžuhus

Go koronavirusepidemiija lea leavvamin viidát váldegottálaččat, stáhtaráđđi ávžžuha, ahte almmolaš sektora bargit barggašedje gáiddusin nu viidát go vejolaš, juos dat lea bargguid beales vejolaš. 

Stáhtaráđđi ávžžuha vástideaddji viiddes gáiddusbarggu maiddái priváhtta bargoaddiide. Lagaš- ja gáiddusbarggu oktiiheiveheami árvvoštallan dáhpáhuvvá bargosajiin. Lassin bargosajiin galgá ovddidit bargoordnestallamiid, maiguin geahpidit lagaškontávttaid ja eará riskadahkkiid.
Váldegottálaš gáiddusbargoávžžuhus lea doaisttážii fámus. Ávžžuhusa fámusorruma seassat ovdal 31. juovlamánu 2020.

Stáhtaráđi dahkan linnjemat ja ávžžuhusat gáiddusbarggus eai leat čana bargoaddiid juridihkalaččat.

Ráđđehusa ávžžuhusat guovlluide

Ráđđehusa ávžžuhusat guovlluide leat juhkkojuvvon epidemiijadili vuođul. 
Epidemiija vuođđodási guovlluin ávžžuhit, ahte badjel 50 heakka álbmotdilálašvuođain ja astoáigedoaimmain váldit vuhtii Dearvvasvuođa ja buresbirgema lágádusa rávvagiid hygienaávžžuhusain ja dorvogaskkain

 

 

Astoáigedoaimmain ja almmolaš viesuid geavahettiin galgá fuolahit, ahte oasseváldit ja gáccit sáhttet duođai garvet lagaškontávtta guhtet guimmiideasetguin.

Epidemiija jođálmuvvanmuttus ráđđehus ávžžuha guvllolaš dahje báikkálaš ávžžuhusa badjel 20 heakka priváhtta dilálašvuođaid ordnema garvemis. 

Buot álbmotdilálašvuođain gáibidit Dearvvasvuođa ja buresbirgema lágádusa ja oahpahus- ja kulturministeriija rávvaga čuovvuma. Álbmotdilálašvuođaid oasseváldemearri sisbirrasiin ráddjejuvvo beallái dábálaš sadjemearis.

Almmolaš viesuid geavahettiin galgá fuolahit das, ahte oasseváldit ja gáccit sáhttet duođai garvet lagaškontávtta guhtet guimmiideasetguin. Lassin áššehasmearri sisbirrasiin ráddjejuvvo beallái dábálaš áššehasmearis.

Viesuid geavahanráddjehusaid vuođul ávžžuhit gaskkalduhttit rávisolbmuid sisbirrasiin dáhpáhuvvi joavkoastoáigedoaimma alla njoammunriskka diliin. 

Buotahkásaččaid joavkoastoáigedoaimmaid galgá ordnet nu, ahte oasseváldit ja gáccit sáhttet duođai garvet lagaškontávtta guhtet guimmiideasetguin. 

Ráđđehus ávžžuha maiddái allaskuvllaid sirdašuvvat gáiddusoahpahussii, goittotge vuhtiiválddedettiin vealtemeahttun lagašoahpahusa dárbbuid.

Epidemiija leavvanmuttus ráđđehus ávžžuha guvllolaš dahje báikkálaš ávžžuhusa badjel 10 heakka priváhtta dilálašvuođaid ordnema garvemis. Dárbbu mielde álbmotdilálašvuođaid ordnema sáhttá gieldit ollásit.

Ráđđehus ávžžuha maiddái gaskkalduhttit joavkoastoáigedoaimmaid viesuid geavahanráddjehusaid vuođul dárbbu mielde ollásit. Mánáid ja nuoraid astoáigedoaimmaid buohta dan galgá goittotge suokkardallat erenoamáš bures. 

Dárbbu mielde viesuid sáhttá bidjat ollásit gitta, dađi mielde makkár geavaheami várás viessu lea.

Maŋimuš neavvun ráđđehus ávžžuha nuppi dási oahppolágádusaid sirdašuvvat gáiddusoahpahussii, goittotge vuhtiiválddedettiin vealtemeahttun lagašoahpahusa dárbbuid.

Ráđđehusa ávžžuhusat eai čana juridihkalaččat. 

Lassedieđut:
vd. kansliijahoavda Juha Majanen, tel. 0295 530 247 ja bajit jođiheaddji Juha Sarkio, tel. 0295 530 031, stáhtaruhtaministeriija, [email protected] (gáiddusbargoávžžuhus)
kansliijahoavda Anita Lehikoinen, oahpahus- ja kulturministeriija, tel. 0295 330 182, [email protected]
Mielddus: Covid-19-dillegeahčastat 15.10.2020 | THL

Sivun alkuun