Hyppää sisältöön
Valtioneuvosto ja ministeriöt
Media

Suomâst lii spiekâstâhtile

1.3.2021 13.30

Staatârääđi lii pahudâm ohtsâštooimâst täsivääldi presidentijn, ete Suomâ lii spiekâstâhtiileest koronavirustile keežild. Staatârääđi meridij almosčuákkimistis vuossaargâ 1. njuhčâmáánu, ete staatâst lii kiärgusvuotâlaavâ 3 § 5 saajeest uáivildum spiekâstâhtile. Spiekâstâhtile puátá vuáimán tállân. 

Kiärgusvuotâlaavâ 3 § 5 saajeest asâttuvvoo spiekâstâhtilen eromâš vijđáht levânâm várálâš njuámmootavdâ, mii västid vaikuttâsâi peeleest eromâš tuođâlii stuorrâluhottesvuođâ. 

Suomâst covid-19-tavdâtábáhtusâi meeri já itteem lii lasanâm kuovâmáánu 2021 maŋa eromâš jotelávt. Muttum koronavirus tovâttem njuámumeh láá čielgâsávt lasanâm, mii puáhtá jo jieijâs uásild jođálmittiđ edidemia lasanem já jođettiđ pyecceeviäsu- já pehtilistipšo merhâšittee kuormiimân, jis njuámumij meeri ij äälgi kiäppániđ. 

Taan muddoost ij lah njuolgâ tárbu kiärgusvuotâlaavâ vuáđuvuoigâdvuođâid räijee kiärgusvuotâlaavâ II uási toimâvääldi anonväldimân, mutâ tai kevttimtárbu lii kiddâ tast, ete maht epidemia ovdán aldasii puátteevuođâst. Haldâttâs kuittâg árvuštâl, ete kiärgusvuotâlaavâ 15 lovo njuolgâdusâid 106 § (haldâttâhvirgeomâhái viestâdem spiekâstâhtiileest) já 107 § (toimâvääldi čuávdim) lii velttidmettum heiviitškyettiđ spiekâstâhtile pahudem maŋa. 

Spiekâstâhtile pahudeijee staatârääđi miärádâs puátá vuáimán ájáttâlhánnáá, já tot lii vyeimist tuáistáážân, tassaaš ko tot komettuvvoo. 

Haldâttâs iävtuttâs piemmâmirâttâsâi steŋgiimist ovdâskoodán

Tállân spiekâstâhtile pahudem maŋa staatârääđi adelij ovdâskoodán vuáđulaavâ 23 § vuáđuld haldâttâs iävtuttâs laahân orroom- já piemmâmtooimâst adelum laavâ koskâpuddâsii nubásmitmist. Tast iävtutteh, ete raavâdviäsuid já eres piemmâmsyergi irâttâsâid steŋgiiččii äššigâsâin koskâpuddâsávt kuulmâ oho äigin. Tárguttâs lii, ete laahâ puátá vuáimán 8.3.2021, já tot ličij vyeimist 28.3.2021 räi. 

Purrâmuš vyebdim olgos äššigâssáid ličij suovvum. Steŋgim kuoskâččij piemmâmsyergi irâttâssáid kuávluin, main koronavirusepidemia lii levânem- já jođálmummuddoost. Spiekâstâssân liččii pargoviehâ- já eres raavâdviäsuh, moh iä lah áávus aalmugân. Kuávluin heiviitteh sierâ staatârääđi asâttâssáin.

Lasetiäđuh: vyelistaatâčällee Timo Lankinen, staatârääđi kanslia, p. 0295 160 300 (spiekâstâhtile) sehe haldâttâsräđiolmooš Liisa Huhtala, p. 029 504 7062 já uásádâhhovdâ Antti Neimala, p. 029 504 7039, pargo- já iäláttâsministeriö (piemmâmirâttâsah)

 

Lase fáádást

Spiekâstâhtile pahudem 1.3.2021 | Staatârääđi kanslia muštottemčáálus 

Tiäđuh spiekâstâhtiileest | valtioneuvosto.fi

Haldâttâs iävtuttâs: Raavâdviäsuid steŋgejeh koskâpuddâsávt äššigâsâin – purrâmuš puáhtá tiiláđ já viežžâđ | Pargo- já iäláttâsministeriö tiäđáttâs 1.3.2021

Haldâttâs linjij sirdâšuumeest tállân koronaepidemia estimist táásán kyehti, haldâttâs vaalmâš väldiđ spiekâstâhtile anon | Staatârääđi kanslia tiäđáttâs 25.2.2021 
 

Sivun alkuun