Hyppää sisältöön
Valtioneuvosto ja ministeriöt
Media

Lääʹddjânnmest lij čoʹrstemvueʹǩǩ

1.3.2021 13.30

Riikksuåvtõs lij tuõttâm õhttsažtooimâst tääʹssvääʹld presideeʹntin, što Lääʹddjânnam lij čoʹrstemvueʹjjest koronavirusvueʹjj diõtt. Riikksuåvtõs tuʹmmii õõlmâs-såbbreʹstes pâʹsslašttam-mannu 1. peeiʹv, što jânnmest lij vääʹldest vaalmâšvuõttlääʹjj 3 § 5 pääiʹǩest jurddum čoʹrstemvueʹǩǩ. Čoʹrstemvueʹǩǩ puätt viõʹǩǩe tâʹlles. 

Vaalmâšvuõttlääʹjj 3 § 5 pääiʹǩest šiõtteet čoʹrstemvueʹǩǩen samai veiddsa leävvnam vaarlaž njuämmamtaaud, kååʹtt  vaʹsttad vaaiktõõzzi beäʹlest samai loʹsses jõnn pääʹrt. 

Lääʹddjânnmest covid-19-puâccjeeʹji mieʹrr da õlmmnemvuõtt lie pâjjnam čuuʹt jåʹttlânji mâŋŋa täʹlvvmannu 2021 aalǥâst. Motstõõvvâm koronaviruuzz šõõddtem njuämmʼmõõžž lie čiõlggsânji lâssnam, mii vuäitt juʹn jijstes hooddâʹtted epidemia šorrnummuž da viikkâd puõccipõrtt- da viõhsshååid miârkteei kuârmtõõvvmõʹšše, jos njuämmʼmõõžži meäʹr jeät vuåǯǯu jåårǥlõttum vuâlas. 

Tän poodd ij tâʹlles leäkku tarbb vaalmâšvuõttlääʹjj vuâđđvuõiggâdvuõđid rajjteei vaalmâšvuõttlääʹjj II vueʹzz toiʹmmväʹlddõõzzi ââʹnnmavälddmõʹšše, leša tõi ââʹnnemtarbb lij ǩidd ââʹldmõs ääiʹj epidemia õuddnummšest. Halltõs kuuitâǥ ärvvtââll, što vaalmâšvuõttlääʹjj 15 lååǥǥ šiõtlmid 106 § (vaaldâšmveʹrǧǧniiʹǩǩi saaǥǥtummuš čoʹrstemvueʹjjest) da 107 § (toiʹmmvääʹld čåuddmõš) lij vieʹltʼtem äʹlǧǧed suåvlted mâŋŋa čoʹrstemvueʹjj tuõttmõõžžâst.  

Čoʹrstemvueʹjj tuõtti riikksuåvtõõzz tuʹmmstõk puätt viõʹǩǩe tâʹlles, da tõt lij viõǥǥâst meäʹrteʹmes ääiʹj, poka tõn kååʹmtet. 

Halltõõzz eʹtǩǩõs restranttjäärnǩi ǩidd piijjmõõžžâst eeʹttiǩ-kådda

Tâʹlles mâŋŋa čoʹrstemvueʹjj tuõttmõõžžâst riikksuåvtõs uuʹdi eeʹttiǩ-kådda vuâđđlääʹjj 23 § nuäjain halltõõzz eʹtǩǩõõzz lääʹǩǩen instempäiʹǩǩ- da restrantt-toimmjummšest uvddum lääʹjj kõskkpoddsaž muʹttmest. Tõʹst eʹtǩǩeet, što restraantid ja jeeʹres resttranttsueʹrj põrggsid piijčet äʹššniiʹǩǩin ǩidd kõskkpoddsânji koolm neäʹttlas. Lääʹjj lij mieʹrr pueʹtted viõʹǩǩe 8.3.2021, da tõt leʹčči viõǥǥâst 28.3.2021 räjja. 

Porrmõõžž ååuǥaskaaupšummuž äʹššniiʹǩǩid leʹčči sååvšum. Ǩidd piijjmõš kuõskči resttranttsueʹrj põrggsid vuuʹdin, koin koronavirusepidemia lij leävvnem- da hooddõõvvâmpooddâst. Čoʹrstõkkân leʹčče tuâjjlažkåʹdd- da jeeʹres restraant, kook jie leäkku äävai pukid. Vuuʹdi pirr šiõtteet jeäʹrben riikksuåvtõõzz asetõõzzin.

Lââʹssteâđ: vueʹllriikkpiisar Timo Lankinen, riikksuåvtõõzz kanslia, t. 0295 160 300 (čoʹrstemvueʹǩǩ) di halltõsduumšeǩ Liisa Huhtala, t. 029 504 7062 da juâǥǥasjååʹđteei Antti Neimala, t. 029 504 7039, tuâjj- da jieʹllemvueʹǩǩministeria (restranttjäärnaǩ)
 

Sivun alkuun