Hyppää sisältöön
Valtioneuvosto ja ministeriöt
Media

Vihtta vuogi korona eastadeapmái – muitte dáid!  

Stáhtaráđi kansliija 24.11.2020 10.11

Vai koronadilli ii vearránivčče, de mii dárbbašit oktasaš doaimmaid. Fuolaheatnot guđet guoimmisteamet, álggaheatnot alddámet. 

Stáhtaráđi kansliija ja Dearvvašvuođa ja buresbirgejumi lágádus háliidit muittuhit kampánnjain “Fuolaheatnot guđet guoimmisteamet, álggaheatnot alddámet” olbmuid viđa iešguđet buori njuolggadusas, maiguin eastadit koronanjoammumiid leavvama. Kampánnja álgá otne 20. skábmamánu.
 
Muitte dáid vihtta vuogi korona vuostá 
 
1. Jos oaččut dávdamearkkaid, de mana koronatestii ja biso muđui ruovttus 
2. Doalat 1-2 mehtera dorvogaskka
3. Basa gieđaid, gosa soadjái
4. Geavat ámadadjosuoji, go it sáhte doalahit dorvogaskka
5. Luđe koronavikku-heivehusa
 
Kampánnja oidno boahttevaš vahkuid earret eará televišuvnnas, rádios ja sosiála medias. Kampánnjas leat mielde earret eará 
 
presideanta Tarja Halonen
Jarmo Koski 
Pelle Miljoona
Michael Monroe
Jussi Ahokas
Roni Back 
Aira Samulin 
Pekka Hyysalo 
Cledos 
Ellinoora 
Sara La Fountain 
Markku Kanerva 
Paula Koivuniemi 
James Nikander 
Marco Bjurström 
Mikko Leppilampi 
Kiti Kokkonen 
Alma 
Virpi Sarasvuo
Niklas Hagman
 
Ollislašvuhtii gullá maid nuorra rávesolbmuide čujuhuvvon oassi, mii oidnogoahtá erenomážit Instagramas. Guktuin osiin leat seamma dieđut. Nuorra rávesolbmuid kampánnjii leat bovdejuvvon mielde Suoma guovddáš someváikkuheaddjit, váikkuhandoaimmahagat, studeanta- ja nuoraidsearvvit ja valáštallanorganisašuvnnat. Mielde leat vuolgán juo measta 70 ovttaskas olbmo ja organisašuvnna.
 
Mii ávžžuhit buohkaid juohkit #5valttia (#5vuogi) njuolggadusa sosiála medias ja movttiidahttit bearašlahtuid, skihpáriid ja lagaš olbmuid bargat ovttas korona vuostá ja fuolahit guđet guoimmisteaset. 
 
Lassedieđut kampánnjas gávdnojit suomiitoimii.fi/5valttia (suomagillii).
 
Lassedieđut stáhtaráđi gulahallanhoavda Päivi Anttikoski, tel. 040 536 4821, stáhtaráđi kansliija ja gulahallanhoavda Marko Lähteenmäki, 0295 247 189, TBL
 

Sivun alkuun