Hoppa till innehåll
Statsrådet och ministerierna
Media

Haldâttâs meridij Uusimaa jotteemraijiittâsâi joskâmist

Statârääđi kanslia 15.4.2020 18.00

Haldâttâs linjij ráđádâlmijn jieht majebaargâ cuáŋuimáánu 14. peeivi, ete Uusimaa jotteemraijiittâsah jaskeh tállân. Haldâttâs addel asâttâs jotteemraijiittâsâi koomeetmist onne cuáŋuimáánu 15. peeivi tme 13 älgee staatârääđi almosčuákkimist, já komettem šadda vuáimán tállân čuákkim maŋa.  

Aneh, ete koskâpuddâsij jotteemraijiittâsâi juátkimân iä lah innig riävtáliih vuáđđuseh. Kiärgusvuotâlaavâ 118 ceehi váldásmitmijd puáhtá kevttiđ tuše jis tot lii velttidmettum.

Haldâttâs vuáđđud komettemmiärádâs sosiaal- já tiervâsvuođâministeriö já Tiervâsvuođâ já pyereestvaijeem lájádâs árvuštâlmáid epidemiatiileest.

Ko jotteemraijiittâsah šoddii vuáimán njuhčâmáánu 28. peeivi, te koronavirusnjuámumeh lasanii Uusimaast čielgâsávt jotelubbooht ko eres kuávluin enâmist. Tääl Uusimaast láá ain čielgâsávt enâmustáá tavdâtábáhtusah, mutâ iäru eres enâmân lii jo ucceeb.

Tavdâtábáhtusâi iäruh kieldâi mield láá meid viehâ stuárráh, já toh iä eromâšávt spejâlist eennâmkuudij raajijd. Majemuu oho ääigi tavdâtábáhtusâi meeri lii lamaš motomijn pyecceetipšopirrâduvâin koskâvuođâlávt siämmáá styeres tâi stuárráb ko Helsig já Uusimaa pyecceetipšopirrâduvâst.

Haldâttâs kuittâg avžuut velttiđ puoh taarbâšmettum mađhâšem, tego astoääigi mađhâšem, meid päikkienâmist. Meid eres tooimâid já raijiittâsâid epidemia raijim já aalmug suoijim várás kalga juátkiđ já nuávdittiđ.

Lasetiäđuh: vyelistaatâčällee Timo Lankinen, p. 0295 160 300, staatârääđi kanslia já pajehovdâ Tero Kurenmaa, p. 0295 488 340, sisministeriö

Tillbaka till toppen