Hoppa till innehåll
Statsrådet och ministerierna
Media

Vástádâsah koččâmuššáid haldâttâs linjimijn čokkânmij raijiimist - Váldunjuolgâdussân juáhháá ovdâsvástádâs čuávvuđ ravvuid jiešráđálávt

Statârääđi kanslia 19.3.2020 18.00

Uáiviminister Marin haldâttâs linjij 16. njuhčâmáánu 2020 lasetooimâin koronavirustile tipšom várás Suomâst. 

Ministeriöid já virgáduvváid puátih tääl ennuv koččâmušah haldâttâs linjimij heiviitmist keevâtlávt. Riehtiministeriö lii čokkim vástádâsâid távjá koijâdum koččâmuššáid linjimij pirrâ: “Almoliih čokkânmeh räijejuvvojeh love ulmui já avžuutteh velttiđ taarbâšmettum orostâllâm almolijn soojijn.” Tääl čuákkejum vástádâsâid tievâsmiteh ubâ ääigi.

Váldunjuolgâdus lii tot, ete jyehi rävisulmust lii ovdâsvástádâs ču

ávvuđ jiešráđálávt čokkânemraijiittâsâid já ravvuid sosiaallii kooskâ tolâmist. Rävisulmui ovdâsvástádâssân lii huolâttiđ, ete meiddei párnááh čuávuh toid.

Ulmuuh kalgeh karveđ sosiaallii vuáruvaiguttâs nuuvt ennuv ko máhđulâš vâi koronavirus levânem puáhtá hitodiđ. Návt kalga toimâđ, vâi suoijip riskâjuávhoid kullee ulmuid já tiervâsvuotâhuolâttâsvuáhádâh ij kyermiluu paijeelmiärálávt.

Statârääđi meridij čokkânemraijiittâsâin koronavirusnjuámmumij levânem hitodem já riskâjuávhui suojâlem várás 13.4.2020.  Linjimeh láá vyeimist 13.4.2020 räi. Taat miärádâs puohtui vuáimáin Kuávluhaldâttâhvirgáduvâi miärádâsâiguin 17.3.2020.  

Riehtiministeriö: távjá koijâdum koččâmušah koronavirusist

Kuávluhaldâttâhvirgáduvah merideh oppâlájádâsâid steŋgimnáál já kieldih paijeel 10 ulmuu aalmugtilálâšvuođâid (avi.fi)

Lasetiäđuh: kansliahovdâ Pekka Timonen, riehtiministeriö. Lasetiäđuid kyeskee pivduuh čujottâsân [email protected] 

Poolishaldâttâh, poolistärhisteijee Konsta Arvelin, p. 0295 481 698 (kocemân lahtojeijee koččâmušah)

Tillbaka till toppen