Hoppa till innehåll
Statsrådet och ministerierna
Media

Ráđđehus linnjádii rádjajohtalusa čavgemiid guoskkadin Ruoŧa ja Norgga vuostásaš rájáid – Ålándda buohccedikšun sihkkarasto

Stáhtaráđi kansliija 7.4.2020 17.00

Ráđđehus mearridii stáhtaráđi badjelmearálaš čoahkkimis otne cuoŋománu 7. beaivve joatkit rádjagohcima gaskaboddosaš máhcaheamis sisrájáide dahkkon mearrádusa sihke johtalusa ráddjema fámus orruma. Fámus orrunáigi jotkojuvvui 14.4.-13.5.2020.

Ráđđehusa ulbmilin lea ain geahpedit johtima Ruoŧa ja Norgga vuostásaš rájá alde leahkki lunddolaš barggus johtinviidodagas. Dás ovddos lea lobálaš dušše vealtameahttun bargomátkejohtalus, ja bargis galgá leat bargoaddi addán duođaštus barggu vealtameahttunvuođas.

Váldonjuolggadussan lea, ahte sisrájáid badjel Supmii boahtti buot olbmot leat Suomas orruma áigge geatnegasat čuovvut Suoma dearvvasvuođavirgeoapmahaččaid rávvagiid ja bissut karantena vástideaddji dilis 14 jándora áigge Supmii maŋimuš boahtima rájes.

Gáibádus bissumis 14 jándora karantena vástideaddji dilis ii guoskka vealtameahttun vuosttasdikšuma ja gádjundoaimma bargoveaga dahje gálvojohtalusa fievrrideaddjiid. Ráđđehus maiddái doarjala bargoaddiide, ahte dát čielggadivčče vugiid geahpedit bargiid rájá badjel johtima ovdamearkan fállamiin orrunsaji bargiide barggus johtinbáikegottis.

Suoma vuostásaš eanarájás Ruoŧa ja Norgga bealde barggus johtti suopmelaččat galget leat karantena vástideaddji dilis sin orodettiin Suoma bealde. Spiehkastahkan váldonjuolggadussii bargit sáhttet dáinna eavttuin joatkit barggus johtima karantenarávvagiid čuovvumiin.

Ruoŧas dahje Norggas Supmii boahtti bargit galget čuovvut rávvagiid (THL) njoammunriskka geahpedeamis ja leat karantena vástideaddji dilis vejolašvuođaid mielde nu Suomas go ruovttus orodettiin.

Suopma atná lassin vealtameahttumin, ahte Ruoŧŧa rávve dearvvasvuođadikšunbargiid buoret suddjemii ja lasiha dáid olbmuid testema. Lassin Ruoŧŧa lea čatnasan dasa, ahte Norrbotten leana buohccedikšunkapasitehta (mielde intensiivadikšunkapasitehta) sáhttá fállat suopmelaš buohcciid dikšumii. Lea maiddái vejolaš, ahte epidemiija vearránettiin bargiin ii leat šat vejolašvuohta johtit rájá badjel.

Suopma čuovvu dávdadili ovdáneami dárkilit ja lea ráhkkanan dárbbu mielde ain ráddjet rádjajohtalusa.

Ráđđehus ávžžuha, ahte dámpajohtalusa bileahttavuovdin loahpahuvvo 11.4. rájes

Ráđđehus ávžžuha Supmii Ruoŧas, Viros ja Duiskkas johtti dámpafitnodagaid loahpahit olmmošjohtalusa bileahttavuovdima dámppaide, mat vulget 11.4.2020 dahje das maŋŋá earret gálvo- ja ráktajohtalusa. Ávžžuhus lea fámus 13.5.2020 rádjai.

Ålándda dilli

Ráđđehus geatnegahttá sosiála-ja dearvvasvuođaministeriija fuolahit das, ahte Ålándda buohcceviesu doaibman sihkkarasto oktasašbarggus Ålándda eanangotti stivrrain. Dárbbašuvvon doaktárat lágiduvvojit nannán-Suomas Ålándii ja boahtti bargiid doarvái buorre ruoŧagiela dáidu sihkkarasto. Turkus doaibmi FinnHEMS:a helikopter bálvala maiddái Ålándda.

Doavtterhelikoptera pilohtat, mat leat Ålándda anus, gullet vuosttasdikšun- ja gádjunbargiide, geaid gáibádus 14 jándora karantena vástideaddji dilis bissumis ii guoskka.
Ovdalis máinnašuvvon linnjádemiid ollašuhttima maŋŋá eará vealtameahttun ja vuođustallon olmmošjohtalus lea ain vejolaš girdinoktavuođain Tukholmas, Helssegis ja Turkus Maarianhaminai. Olmmošjohtalus dámpajohtalusa oktavuođain Ålánddas nannán-Supmii lea ain vejolaš.

Eará vealtameahttun johtalus livčče servodaga doaibmevašvuođa dahje fuolahussihkkarvuođa dáfus mearkkašahtti barggut, mat eai gierdda ádjáneami.

Linnjádemiid ollašuhttima maŋŋá lea ain vejolaš fuolahit Ålánddas leahkki, dearvvasvuođafuolahussii globálaččat vealtameahttun dárbašiid dehe reaidduid buvttadeami joatkašuvvamis. Vealtameahttun bargomátkejohtalus lea ain vejolaš karantenarávvagiid čuovvumiin. 

Tillbaka till toppen