Oaiveministtar Marin buvttii ovdan Suoma prográmma boahtte jagi sátnejođiheaddjiáigodahkii Davviriikkaid ministtarráđis
Davviriikkaid oaiveministarat ságastalle videočoahkkimis 27. golggotmánus Davviriikkaid ráđi sátnejođiheaddjiiguin servodatdorvvolašvuhtii laktásan davviriikalaš ovttasbarggu dilis. Oaiveministtar Sanna Marin buvttii dilálašvuođas ovdan Suoma prográmma boahtte jagi sátnejođiheaddjiáigodahkii Davviriikkaid ministtarráđis. Oaiveministtar Marin gávnnahii Davviriikkaid leat háltečájeheaddjit dálkkádatrievdama dustemis.
”Davviriikkaid ovttasbargu nanne riikkaideamet našuvnnalaš rahčamiid čitnaneutrálavuođa fáhtemii”, dadjá oaiveministtar Marin ja lasiha, ahte “sosiálalaččat vuoiggalaš nuppástusa doarju buresbirgejupmemálle”.
Suopma álggaha sátnejođiheaddjivuođas jagi 2021 ođđajagimánus. Davviriikkaid oaiveministariin lea višuvdna das, ahte Davviguovllus boahtá máilmmi suvdileamos ja eanemus integrerejuvvon guovlu jagi 2030 rádjai. Mihttomeari fáhtema ovdii Davviriikkaid ministtarráđđi bargá ruoná, gilvvohallannávccalaš ja sosiálalaččat suvdilis Davviguovllu beales. Koronapandemiija dihtii áigeguovdilis ovttasbargosuorggit leat friddja lihkadeami ovddideapmi Davviriikkaid gaskkas sihke fuolahansihkkarvuohta ja ráhkkaneapmi boahttevuođa kriissaide. Suoma sátnejođiheaddjiáigodahkii deaivá maiddái Davviriikkaid ministtarráđi 50-jagiávvojahki. Vássán jagi loahpa rádjai ovttasbarggu jođiha Dánmárku.
Davviriikkaid ministtarráđi lassin Suopma doaibmá boahtte jagi sátnejođiheaddjin eatnatlohkosaš eará davviriikalaš ovttasbargoforumiin.
Suoma sátnejođiheaddjiáigodaga prográmma ollislaččat
Sátnejođiheaddjivuođa Twitter-konto: @norden2021
Sosiála medias dovddaldagat: #norden2020 ja boahtte jagi #norden2021 ja #nrpol #nrsession
Lassidieđut: sierraveahkki (riikkaidgaskasaš áššit) Lauri Voionmaa, t. 0295 160 306; EU- ja rg-áššiid gulahallanoaivámuš Anne Sjöholm, t. 040 537 07 33, stáhtaráđi kansliija
Lassedieđut Suoma sátnejiheaddjivuođas: Davviriikalaš ovttasbarggu čállingotti oaivámuš Johan Schalin, t. 0295 351 781