Deanus ii bivdojuvvo luossa dánge gease, muhto eará guoli beassá bivdit
Deanu luossanáliid dilli joatkašuvai headjun jagi 2025. Suoma ja Norgga oktasaš gávnnaheapmi lei, ahte luossabivddu ii sáhte rahpat boahtte gease. Guolástannjuolggadussii eai šihttojuvvon nuppástusat, nu ahte guollebivdu dáhpáhuvvá jagi 2024 gustojeaddjin šaddan guolástannjuolggadusa mearrádusaid mielde.
Deanus luossanáliid dilli lei ain headju, vaikko jagi 2024 buot áiggiid heajumus dilis dáhpáhuvaige binnánaš loktaneapmi. Sihke luosa gođđomáddodagat ja árvvoštallamat luossanáliid sturrodagas ovdal mangelágán guollebivddu leat ain hui vuollegaččat.
Obalohkái mearas máhccá Detnui ain hui hejot luossa buohtastahtedettiin sullii logi jagi duohkásaš dillái. Ovtta mearrajagi dittiid meari šaddan addá dattege doaivaga dili buorráneamis.
Deanu guollenálit leat báhcán ain guhkkelii buori dilis ja doarvái duovvemearit govvejeaddji gođđonálleulbmiliid ollašuvvamis. Johtolatmearkatearpmaiguin visot Deanu luossanálit govvejuvvojit rukses čuovggain.
”Deanu rádjejohkaossodaga guolástannjuolggadusa mielde luossabivdinvejolašvuođat mearrašuvvet Deanu oalgejogaid luossanáliid dili vuođul. Suoma ja Norgga eiseválddit šadde dađi bahábut gávnnahit, ahte dálá dilis eai leat eavttut rahpat luossabivddu ollenge, daningo visot luossanálit leat árvvoštallojuvvon heajumus dilleluohkkái”, muitala eana- ja meahccedoalloministeriija ráđđádalli virgeolmmoš Tapio Hakaste.
Nuppástusain, mat dahkkojit guolástannjuolggadusa mearrádusaide, eai beassan ovttamielatvuhtii, vaikko Suopma vikkai oažžut áigái nuppástusaid, mat livčče dahkan vejolažžan viidáseappot eará šlájaid go luosa bivddu stággobiergasiiguin. Guollebivdu dáhpáhuvvá dađi lági mielde jagi 2024 gustojeaddjin šaddan guolástannjuolggadusa mearrádusaid mielde.
Luosa ja buggeluosa bivddu dilli gávnnahuvvui jahkásaš Suoma ja Norgga gaskasaš šiehtadallamiin. Šiehtadallamiin ráhkaduvvui beavdegirji, mii vuoimmáiduhttojuvvui duorastaga 16.4. stáhtaráđi ásahusain.
Eará go luosa oažžu bivdit
Deanus oažžu ain bivdit eará šlájaid go luosa. Dán várás guolástannjuolggadussii leat čállojuvvon iežas guolástanmearrádusat.
Turisttaid várás leat fállun earret eará guoli guolástanlobit, mat addet vuoigatvuođa geahppa dolgevuoggabiergasiid atnui.
Geasset 2026 ii leat vuordimis fámolaš gubbeluosa goargŋun, daningo gubbeluosat dihttojit geavadis dušše bárahis jagiid. Juos buggeluosa soaittáhaga deaivá, dan oažžu diehttelas bivdit guolástannjuolggadusa mieldásaš guolástanvugiiguin.
Deanu oalgejogaid bivddu stáhtaráđi ásahus sihke Deanu guolástanlobiid hattiid eana- ja meahccedoalloministeriija ásahus leat sáddejuvvomin cealkima várás. Cealkináiggi álggedettiin materiálat gávdnojit eana- ja meahccedoalloministeriija fierbmesiidduin mmm.fi/lausunnolla.
Čuovus
Lassidieđut Deanu guolástannjuolggadusas eana- ja meahccedoalloministeriijas
Tapio Hakaste, ráđđádalli virgeolmmoš, t. 0295 162 152, [email protected]